Kvennakórinn Ymur

15.11.2010 19:43

Frábært skemmtikvöld að baki

Takk fyrir síðast elsku söngdúfurnar mínar!

Bleika kvöldið tókst frábærlega, þökk sé skemmtilegu skemmtinefndinni sem á innilegustu þakkir skilið fyrir sitt framlag. Skemmtiatriðin voru auðvitað frábær líka og mátti vart á milli sjá hvaða rödd stóð sig best í þeim efnum. Við erum náttúrulega alltaf agalega flottar en bleikur er greinilega okkar gleðilitur :)

(Og fimmund er greinilega okkar sönghæfa bil, því fimmundasöngur hefur hljómað í höfði mínu síðan á föstudag!)

Nokkrar myndir eru nú þegar komnar inn á myndasíðuna, þær ykkar sem voruð að smella af myndum, endilega komið þeim á mig.

Hér er samt ein góð sem tekin var af 1. sópran á góðri stundu:

Sko, hvað þær eru bleikar og sætar :)

Svo að skemmtilegu tækniatriðunum, þá var tæknin aðeins að stríða mér þegar nóturnar fóru inn á skráarsvæðið, en ég er núna búin að laga "Fögur er foldin" og "Jólin alls staðar". Endilega látið vita ef þið sjáið villur þarna inni og ég reyni mitt besta að laga.

Síðan er eitt lag sem þarf að prenta út til viðbótar, það er lag sem Nína gerði texta við í fyrra og heitir "Nú eru jólin". Þetta eru tvær bls. og er í möppunni "Ný lög 2009/2010".

Sjáumst hressar á æfingunni á morgun, munið að hún byrjar kl. 19:30!

Skrifað af Boggu

10.11.2010 07:23

Nýjar nótur á skráarsvæðið

Sælar söngdívur!

Ný mappa eru nú komin á skráarsvæðið sem ber nafnið "Jólalög 2010".
Ég var að raða í hana þessum lögum sem komin eru:

Adeste Fideles - Í ljósanna hásal
Fögur er foldin
Have yourself a merry little christmas
It´s beginning to look a lot like Christmas
Í dag er glatt í döprum hjörtum
Jólin alls staðar
Silver bells
Yfir fannhvíta jörð
Það aldin út er sprungið

Þetta er stafrófsröð, ekki röðin sem við syngjum lögin í svo ekki raða í möppur eftir þessum lista!
Koma svo, prenta út þær nótur sem vantar og mæta með allt klárt á næstu æfingu.

Muna:

Næsta æfing hefst kl. 19:30 (en ekki kl. 20:00)
Mæting á skemmtikvöldið á föstudaginn kl. 20:30. Bleikt þema!!

Skrifað af Boggu

28.10.2010 20:49

Skyggnilýsingarfundur

Kvennakórinn Ymur stendur fyrir skyggnilýsingarfundi með Þórhalli Guðmundssyni miðli í Jónsbúð, Akranesi 1.nóvember 2010 kl. 20:30.

Aðgangseyrir 2000 kr. Enginn posi á staðnum.

Húsið opnar kl. 20:00 og gott að mæta tímanlega til að tryggja sér sæti og einnig þarf að taka fram að lokað verður inn í salinn þegar skyggnilýsingin hefst kl.20:30.

Skrifað af Boggu

08.05.2010 23:39

Tónleikar 12. maí

Skrifað af Boggu

27.04.2010 10:36

Ótitlað

Skrifað af Boggu

17.04.2010 15:49

Nóturnar sem vantaði komnar inn

Jæja, þá eiga allar nótur að vera inni á skráarsvæðinu nú þegar ég er búin að setja "Megi gæfan þig geyma" og "Sumar er í sveitum" þangað inn.

Lögin eru náttúrulega ekki öll í einni möppu, og þá gildir bara að gramsa (eins og maður gerir í góðri nótnabókabúð)

Skrifað af Boggu

15.04.2010 16:44

Æfingardagur er á laugardaginn!

Í ljós hefur komið örlítill dagaruglingur emoticon

Æfingadagurinn verður svo sannarlega á laugardaginn eins og upphafleg plön gerðu ráð fyrir, en ekki á sunnudaginn. Mæting s.s.klukkan 11, laugardaginn 17. apríl.

Vonandi hafið þið til öryggis tekið barasta alla liðlanga helgina frá vegna svona skemmtilegra tilfærslna. Sjáumst þá emoticon

Skrifað af Boggu

14.04.2010 18:00

Æfingadagur - nýr tími

Sælar.

Á æfingu í gær var ákveðið að hafa æfingadaginn frekar á sunnudaginn en laugardaginn. Þannig að mæting er kl. 11 sunnudagsmorguninn 18. apríl á venjulegum stað (nema annað verði tekið fram).

Aðrar breytingar: búið er að taka "Memory" af lagalista. Í staðinn kemur "Heim (ég á það heima sem aldrei gleymist)", "Sumar er í sveitum", og dásamlega falleg írsk bæn sem við fengum í gær og heitir "Megi gæfan þig geyma".

Heim er á skráarsvæðinu. Nótur að Sumar er í sveitum og Megi gæfan þig geyma verða komnar þangað á morgun.

Sjáumst á sunnudaginn ferskar og söngglaðar emoticon

Skrifað af Boggu

09.04.2010 23:13

Mikilvægar dagsetningar

Yndislegu söngsystur!

Munið að taka frá eftirfarandi daga:

17. apríl - æfingadagur
30. apríl - undirbúningur í sal fyrir 1. maí
1. maí - söngur og kaffiumsjón (best að byrja að baka sem fyrst, þetta verða nokkrar sortir á mann!!)
12. maí - Tónleikar með Fjallabræðrum í Saurbæjarkirkju (gera má ráð fyrir einni æfingu í Saurbæ, og einni æfingu með Fjallabræðrum)

Raddæfingar:
13. apríl - 2. sópran og 1. alt mætir kl. 19:15
20. apríl - 1. sópran og 2. alt mætir kl. 19:15

Svo er það auðvitað kóramótið: 6th Nordic-Baltic Choral Festival í Reykjaík dagana 17. til 22. ágúst

Skrifað af Boggu

07.04.2010 18:09

Tónleikar og fleiria - vor 2010

Jæja, þá eru línurnar að skýrast fyrir vorið hjá Kvennakórnum Ym.

Þann 1. maí munum við syngja á hátíðardagskrá í Verkalýðssalnum Kirkjubraut 40. Einnig munum við sjá um kaffihlaðborðið þann dag og munum að sjálfsögðu slá upp dýrindis tertuhlaðborði eins og við eigum vanda til. Það er vert að benda á að aðgangur er að sjálfsögðu ókeypis og um að gera að skella sér í samstöðukaffi hjá stéttarfélögunum þennan hátíðardag og njóta skemmtiatriðanna og kaffimeðlætisins.

Ákveðið hefur verið að halda tónleika með Fjallabræðrum þann 12. maí næstkomandi. Tónleikarnir verða haldnir í Saurbæjarkirkju, Hvalfjarðarströnd. Nánari tímasetning verður auglýst síðar.

Við erum með skemmtilegt prógram þessa önnina, óvenjulega blöndu af amerískum dægurlögum/söngleikjalögum og hátíðlegri tónlist (sem mun hljóma dýrðlega í Saurbæjarkirkju).

Auðvitað er vonast eftir því að sem flestir taki þátt í þessu með okkur, enda fátt dásamlegra en að hlusta á Yms-konur á tónleikum emoticon

Skrifað af Boggu

18.02.2010 22:12

15 ára starfsafmæli Yms!

Ágætu kórkonur.

Næstkomandi laugardag munum við gera okkur dagamun vegna 15 ára starfsafmælis Yms.

Nánari upplýsingar varðandi "hvar", "hvernig" og "hvenær" hafa nú þegar verið sendar af okkar yndislegu forstýru.

Sjáumst hressar á laugardaginn emoticon

Skrifað af Boggu