Eldra efni

Nafn:

Kvennakórinn Ymur

Staðsetning:

Akranes

Tenglar

07.11.2007 23:31

Frábært kvöld!


Að afloknu kaffihúsakvöldi Kvennakórsins Yms á sú sem þetta ritar afskaplega erfitt með að sitja kyrr og einbeita sér að skriftum. Ástæðan? Jú, í fyrsta lagi er hún svo uppfull af orku og innri sönggleði eftir þetta frábæra kvöld að það er engu lagi líkt. Í öðru lagi örlar á sykurvímu eftir allar þær guðdómlegu kræsingar sem á borð voru bornar í kvöld

Í lok kvölds var það mál kvenna að þessir tónleikar hefðu verið meðal þeirra allra best heppnuðu í sögu kórsins. Sömu sögu höfðu tónleikagestir að segja, við hljómuðum afspyrnu vel (þótt ritari segi sjálf frá...)

Ekki sátum við Ymskonur þó einar að sviðinu í kvöld því auk okkar tóku lagið trúbadorarnir Héðinn R. Jónsson, Krissi og ísbjörninn og Geir Harðarson ásamt Magnúsi Magnússyni. Einnig tók hljómsveitin Ferlegheit nokkur lög. Stóðu þessir herramenn sig allir með stakri prýði og kunnum við þeim kærar þakkir fyrir!

Kæru söngsystur, bestu þakkir fyrir yndislegt kvöld.

04.11.2007 22:16

Æfing og tónleikar framundan

Kæru söngsystur.

Munið að næsta þriðjudag hefst æfingin stundvíslega kl. 19:30.

Mæting í Vinaminni á miðvikudaginn kl. 18:00 vegna tónleikanna.

Sjáumst hressar!

22.10.2007 17:04

Kaffihúsakvöld 7. nóvember

Ymskonur ætla að standa fyrir kaffihúsakvöldi í Vinaminni þann 7. nóvember næstkomandi.

Kaffihúsakvöldin hafa verið árlegur viðburður í starfsemi kórsins og hafa mælst mjög svo vel fyrir.
Auk þess að hafa fagra söngrödd er hver ein og einasta okkar afar liðtæk þegar kemur að bakstri og kökuskreytingum og eru afurðirnar svo mikilfenglegar að unun er á að líta. Gegn hóflegu gjaldi fá gestir kaffihúsakvöldsins að hlýða á fagra tóna okkar um leið og þeir gæða sér á kaffi og veitingum af glæsilegu kökuhlaðborði kórkvenna í notalegu umhverfi.


Lagalisti kaffihúsakvöldsins er:

Pokarekare Ana

Swing Low
Deep River

Shenandoah
An Irish Blessing

The lark in The Clear Air
Flow Gently

Móðir mín í kví, kví
Vísur Vatnsenda-Rósu


Kæru kórkonur, smyrjið hrærivélina, brýnið tertuspaðana og hafið nóturnar tilbúnar, því þetta kvöld verður eitt það allra skemmtilegasta í haust!

24.09.2007 21:46

Vetrarstarfið er hafið :)

Loksins, loksins!

Vetrarstarfið hjá kvennakórnum Ymi er hafið.

Við höfum beðið í allt sumar eftir því að fá að hefja upp raust okkar á ný. Ekki skemmir fyrir hversu veturinn framundan verður gríðarlega spennandi og margt nýtt á döfinni:


  • Við ætlum að fara til Hollands í vor!
  • Æfingar hafa verið fluttar í nýja glæsilega tónlistarskólann við Dalbraut
  • Við ætlum að fara til Hollands í vor!
  • Framundan er skemmtileg vinna við ýmsar fjáraflanir tengdum ferðinni:
    • kaffihúsakvöld
    • spákonukvöld
    • tónleikahald
    • jólastemning í desember
  • og margt, margt fleira
  • ...var ekki örugglega búið að minnast á Holland??

Nokkrar nýjar söngkonur hafa bæst í hópinn síðan í vor en við getum ennþá bætt við okkur í allar raddir.
Ef þú hefur áhuga á að syngja með hressum konum og taka þátt í skemmtilegu kórstarfi, endilega hafðu þá samband við okkur... nú, eða láttu bara sjá þig á Dalbrautinni.

Æfingar eru eins og venjulega á þriðjudagskvöldum kl. 20:00

Flettingar í dag: 37
Gestir í dag: 7
Flettingar í gær: 132
Gestir í gær: 19
Samtals flettingar: 180014
Samtals gestir: 30791
Tölur uppfærðar: 5.4.2025 04:39:26
##sidebar_two##